Itinalaga ni Pangulong Ferdinand Marcos Jr. si Fire Director Jesus Piedad Fernandez bilang bagong hepe ng Bureau of Fire Protection (BFP).
Sa isang pahayag, sinabi ng Department of Interior and Local Government na itinalaga si Fernandez noong April 11, 2025 kasunong ng mandatory retirement ni dating Fire Chief Louie Puracan noong November 2024.
Unang itinalaga ni Interior Secretary Jonvic Remulla si Fernandez bilang officer-in-charge ng BFP.
Si Fernadez ang naging Director for Logistics ng BFP noong 2016, at Director for Comptrollership noong 2017.
Nagsilbi din siyang director ng BFP Region 4A sa loob ng dalawang taon, Chief Directorial Staff, at Acting Deputy Chief for Administration noong 2022.
Siya din ay nagsilbing City Fire Marshal ng Tuguegarao at District Fire Marshal of Quezon City.
Si Fernandez ay miyembro ng PNPA “Sandigan” Class of 1994.
