TUGUEGARAO CITY- Igga ta ospital y duwa nga caretaker nga pinalattugan na mafulu nga akkoko ta ili na Quezon ta Isabela.
Kinagi ni PO3 Ronald Mangsat na PNP Quezon nga pinalattugan na akkoko y takki na duwa nga biktima.
Kinagi na pulis nga mamangat y duwa nga biktima kavulu da y tadday paga ta balay na amo da nga aranni ta warehouse na bantayan da turi nattallung y armado nga grupo.
Tinallung na akkoko kanu y balay na kanakan na amo da nga aranni ta lugar anna ina da y alahas nga mabbalot ta P40,000 , celphones anna P3,000 cash.
Kinagi ni Mangsat, awan tu amo na caretaker ira nga ira da Ricky Dizon anna Rafael Malaya turi makwa y insidente megafu ta nallabbe ira ta jan da ta Centro Mallig,Isabela.
Kinagi na opisyal nga kalibre. 22 anna .45 y neusa na suspek ta pamalattuk ta duwa nga caretaker.
