TUGUEGRAO CITY – Masesenu nga mattoli ta normal y sitwasyon sangaw ta Florida, USA ta kabalin na Hurricane Irma.
Kinagi ni Marisa Uganiza Andres nga taga Ballesteros, Cagayan anna nurse ta tadday nga ospital ta Florida nga nattoli ngana ta trabaho y tottolay tari megafu ta nagimmang ngana y uran anna paddak tari.
Maski aru paga nga lugar y awan tu supply na koryente anna natomba nga kayu ta dalan,kinagi ni Andres nga mabilis alistu y attrabahu na otoridad tari.
Sarado gapa y karwan nga establishimiento.
Istorya na paga nga minimal laman y zinaral na badju megafu ta nakaprepara y gobyerno tari.
-- ADVERTISEMENT --
