TUGUEGARAO CITY-Meddan ngana kanni President Rodrigo Duterte y final draft na written speech na para ta State of the Nation Address sonu July 24 nga addetan na 40 adde 50 minutes.
Ngamme kinagi ni Communications Sceretary Martin Andanar nga posible nga mapapiddu y speech na Presidente nu igga sangawa iyamung na.
Ari gapa nekaya ni Andanar nga kajan y nakatura ta Speech ngamme siniguru na nga makasta yaw.
Fera taw kinagi ni Andanar nga igga nadammo nga basehan y presidente ta angipiddu ta martial law ta Mindanao adde Disyembre.
Reaksion yaw ni Andanat ta batikos ni NDF Founding Chairman Jose Maria Sison nga ikakaya ni Duterte y batas militar ann mass murder ta kabalin nga ibasura y back channeling talks ta NDFP.
Amung na yaw kinagi ni Andanar nga ari nga“ambush me” y nakwa ta miembro na Presidential Security Group ta North Cotabato.
