Pinabulaanan ni Heart Evangelista na sumailalim siya sa plastic surgery sa kanyang mukha, maliban lang sa kanyang mga bibig.
Ayon kay Heart, nagsasabi siya ng totoo, at kung hindi siya paniniwalaan ay hintayin na lamang umano ang judgement day dahil ang talagang ipinagawa niya lamang ay ang kanyang mga bibig.
Idinagdag pa niya na madalas na hindi siya pinaniniwalaan at kung minsan ay ginagawa pang biro ang kanyang mga sinasabi, kaya pupunta umano siya sa doktor para magpakita ng patunay.
Nasa France ngayon si Heart para sa kanyang unang Paris Fashion Week ngayong 2025.
Matatandaan na noong 2020, sinabi din ni Heart na hindi siya sumailalim sa plastic surgery sa kanyang mukha.
Samantala, sinimulan ni Heart ang bagong taon sa pamamagitan ng cherry violet hairstyle, isa sa hair trends ngayong 2025.
