Maraming mga pilgrimage sites at pampublikong lugar ang nadungisan ng basura ngayong Holy Week, ayon sa EcoWaste Coalition.
Kabilang sa mga apektadong lugar ang International Shrine of Our Lady of Peace and Good Voyage sa Antipolo, Minor Basilica at National Shrine of Jesus Nazareno sa Quiapo, at Our Lady of Lourdes Grotto Shrine sa San Jose del Monte, Bulacan.
Bagama’t naglabas ng paalala ang grupo bago ang pista, namataan pa rin ang mga tambak ng basura tulad ng plastic bottles, food containers, at leaflets sa mga kalsada at loob ng simbahan.
Mula Maundy Thursday hanggang Good Friday, malaking bilang ng deboto ang sumali sa Alay Lakad sa Antipolo, na nag-iwan ng basura sa Pasig, Cainta, Taytay, at Antipolo, partikular sa Tikling Junction. Sa Quiapo, basura rin ang nakita sa Quezon Boulevard at C.M. Recto Avenue sa 13-oras na prusisyon ng Black Nazarene na dinaluhan ng mahigit 500,000 deboto.
Sa Our Lady of Lourdes Grotto Shrine, lumalabag sa kapasidad ang mga basurahan at may kalat sa Calvary Hill at mga picnic area.
Ayon sa EcoWaste, ilang simbahan tulad ng National Shrine and Parish of the Divine Mercy, pati na sa Bataan, Batangas, Cavite, Rizal, at Metro Manila, ay nagpatupad ng mas mahigpit na waste management at trash segregation, kaya mas malinis ang mga ito kumpara sa nakaraang taon.
Pinapaalala ng grupo na bahagi ng Ecological Solid Waste Management Act (RA 9003) ang tamang pagtatapon at segregasyon ng basura.
