Inilabas ni Senate Presiding officer Francis “Chiz” Escudero ang bagong iskedyul ng impeachment trial ni Vice President Sara Duterte para sa Nobyembre.
Nakatakda ang mga pagdinig sa Nobyembre 9 hanggang 13, Nobyembre 19 at 20, at Nobyembre 23. Magsisimula ang mga pagdinig alas-10 ng umaga, habang may ilang araw na maaaring magkaroon ng sesyon ang Senado sa hapon.
Ayon kay Escudero, nauuna pa ang impeachment court sa inaasahang iskedyul ng paglilitis, ngunit mababawasan ang lamang nito dahil sa halos tatlong linggong recess at iba pang aktibidad ng Senado, kabilang ang deliberasyon sa pambansang badyet at mga aktibidad na may kaugnayan sa ASEAN.
Inaasahan ding magpapasya ang impeachment court sa iskedyul ng paglilitis sa Disyembre upang mabigyan ng sapat na panahon ang magkabilang panig.
