Nagbabala ang Iran ng panibagong “economic warfare” laban sa Estados Unidos at sinabi nitong nagpaputok ito ng advanced missile laban sa mga barkong pandigma ng US, habang tumitindi ang tensyon sa Middle East.
Kasunod nito, umatake ang Iran-backed Houthi militia sa ilang lungsod sa Saudi Arabia, kung saan 73 katao ang nasugatan, ayon sa tagapagsalita ng Saudi-led coalition sa Yemen.
Patuloy rin umanong naaantala ang shipping sa Strait of Hormuz, isang mahalagang ruta para sa pandaigdigang suplay ng langis at liquefied natural gas. Nagbanta ang Iran na magtatatag ito ng maritime exclusion zone sa Persian Gulf bilang tugon sa blockade ng US.
Samantala, sinabi ng US military na naiwasan ng mga barko nito ang naiulat na missile attack. Patuloy naman ang pangamba na lumawak pa ang anim na buwang digmaan at maging mas malawak na regional conflict.
