TUGUEGARAO CITY-Kulong ang isang barangay kagawad matapos mahulian ng baril dito sa lungsod ng Tuguegarao.
Una rito, rumesponde ang mga kapulisan kasama ang mga barangay officials ng Brgy Namabbalan Sur, kasama ang suspek na si Rolando Macatuggal ,47-anyos sa report na mayroon umanong kaguluhan sa lugar
Napansin umano ni Police chief master sergeant Rogelio Buncad ng PNP-Tuguegarao ang baril na dala ng suspek kung kaya’t kanya itong sinita.
Sa halip na isuko ang baril, pumalag umano si Macatugal at kanyang pinaputukan si Buncad.
Dahil dito, agad na hinuli ang suspek maging ang hawak nitong baril na calibre 38.
Maswerte namang hindi tinamaan si Buncad matapos itong makailag
Nabatid na nasa impluwensiya ng nakalalasing na inumin ang suspek ng ito’y huliin
