Inatasan ni Pangulong Ferdinand R. Marcos Jr. ang Department of Agriculture (DA) na i-deploy ang Kadiwa Rolling Stores sa mga lugar na apektado ng Bagyong Kristine.
Isa lamang ito sa mga ginagawa na ng Marcos Administration upang masiguro na maaabot ang lahat ng mga Pilipinong apektado ng bagyo, at wala ni-isa sa mga ito ang magugutom.
Inatasan rin ng pangulo ang DA na palawigin pa ang operasyon ng Kadiwa Rolling Stores, sa pamamagitan ng pakikipag-ugnayan sa pribadong sektor.
Kaugnay nito, sinabi ng pangulo na bilang bahagi ng kampaniya laban sa profiteering, ang DTI, mahigpit nang binabantayan ang compliance ng mga tindahan, merkado, at groceries, para sa mga pangunahing bilihin, kung saan mayroong umiiral na price control, dahil sa State of Calamity.
Inatasan na rin ang DTI na siguruhin na walang magiging hadlang sa pagdaloy ng mga pagkain, goods, at iba pang pangunajing supply, patungo sa mga apektadong lugar.
