Iaakyat na sa kasong murder ang kaso laban sa 28 years old na SUV driver na suspek sa pamamaril sa Antipolo kamakailan.
Kinumpirma ito ng Antipolo Police matapos masawi ang biktimang rider na tinamaan ng bala sa kanyang ulo dahil sa pamamaril.
Samantala, sugatan din ang dalawa pang biktima na anak ng nasawing rider at isang bystander na nakalabas na sa ospital matapos mabigyang lunas.
Bunsod nito, ang ipapataw na kaso sa suspek ay magiging 2 counts frustrated murder, murder at gun ban violation dahil mahigpit na ipinagbabawal ang pagdala at paggamit ng baril sa nalalapit na halalan kung walang exemption mula sa COMELEC.
Base sa inisyal na imbestigasyon ng mga awtoridad, nagkaroon ng hindi pagkakaintindihan ang suspek at mga biktimang motorcycle riders na unang nauwi sa suntukan at kalaunan ay pag bunot at pagpapaputok ng baril ng suspect sa Marcos Highway, Sitio Calumpang.
Matapos ang insidente ay sinunukang tumakas ng suspect subalit naaresto ng awtoridad sa checkpoint ng COMELEC.
