TUGUEGARAO CITY-Natay y tadday nga kusetyeru ta kabalin nga kattakattaban na bayaw na ta ili na Baggao, Cagayan.
Y suspek ay si Freddie Capili 40-anyos habang y biktima ay si Narciso Natividad Jr., 31-anyos,parehu nga residente na Brngy. Alba.
Base kanni PO3 Leo Pascual imbestigador na kaso,olu nga igga gungu na ataw na suspek anna y biktima megafu ta ana da.
Ta kabalin ira nga madiskusyon, nalubbe y biktima anna taw na nga nasita y ana na suspek anna sinibatan na.
Kinaruk na suspek y ana na ngamme ari nagimmang paga ay neali na y gazzi na ta suspek nga ama na abbing.
Megafu taw ay ina na suspek y ditchal na anna kinattakattak na y baggi na biktima.
Namwan paga kanni Pascual nga nellaw si Natividad turi makwa y insidente.
Sangaw y suspek ay igga ta pulisya habang asikaswan da y ana na suspek nga olu nga tinakitan na biktima.
