TUGUEGARAO CITY – Nadiskubre y kuta na New People’s Army (NPA) ta ili na Sto. Niño, Cagayan.
Base kanni Police Senior Inspector Magno Catubag, hepe na Philippine National Police-Sto. Niño, 6,000 square meters y kalawa na kuta.
Nasita ta lugar y kubo-kubo, poste, sako, anna gamit pangkusina ira.
Nakkewara gapa y bandage nga posible nga neusa da ta nabigaran ira nga rebelde turi makaengkwentro y militar anna NPA ta Barangay Balanni turi Pebrero 8, 2017 nga nepatay na tadday nga suddalu.
Ekspektan ni Catubag nga ta nakagi nga lugar nga trainingan da y recruit na NPA.
-- ADVERTISEMENT --
Kinagi paga ni Catubag nga zinaral da y kuta da liye da nanawa.
