Bubuksan ng Los Angeles Lakers ang NBA Cup title defense laban sa San Antonio Spurs.
Batay sa inilabas na schedule ng NBA, magsisimula ang pagdepensa ng Lakers sa NBA Cup sa November 16 laban sa Spurs na pinamumunuan ng 7 footer na si Victor Wembanyama.
Dito ay makakaharap nina Lakers star Lebron James at Anthony Davis ang 7-footer na una nilang nakaharap sa Paris Olympics sa ilalim ng gold match sa pagitan ng France at US.
Sa 2023-2024 season ay nagawa ng Lakers na masungkit ang kauna-unahang NBA Cup na tinatawag ding In-Season Tournament
Sa naging performance ng Lakers, nagawa nilang mamentene ang malinis na pitong panalo.
Muli namang babalik sa Las Vegas ang semis at finals para sa kasalukuyang taon. Nakatakda ang Semis sa Dec. 14 habang ang finals ay isasagawa sa Dec. 17.
