Nasawi ang isang indibidwal habang sugatan ang iba pa nitong kasama matapos masangkot sa isang vehicular accident sa bayan ng Penablanca, Cagayam.
Kinilala ni PLT Rosemarie Moreno deputy chief of police for operations ng PNP Penablanca ang mga biktima na sila Alyas Jefrey, 31 anyos, nagmaneho ng forwardtruck, residente ng Brgy.Lapi at mga sakay nito na sina, Alyas Rey 38 anyos, Alyas Pero 20 anyos, Alyas Jaypee 26 anyos at Alyas Alyas Edmar 41 anyos na pawang mga residente ng Brgy. Lapi.
Lumalabas sa imbestigasyon na patungo sana ang mga ito sa isang bodega sa Brgy.Dodan sakay ang mga sako ng mais.
Pagdating aniya sa lugar ng insidente, partikular sa pababang bahagi ng kalsada ay nagmalfunction umano ang preno ng nasabing sasakyan.
Dahil dito, mabilis na bumaba ang sasakyan, kung saan ang trailer bed nito ay nahulog ng humigit-kumulang 80 metro mula sa trailer head, na nagresulta sa pagkahulog ng limang sakay mula sa trailer bed at nagdulot ng kanilang mga sugat sa iba’t ibang bahagi ng kanilang katawan.
Agad na dinala ang mga biktima sa pagamutan ngunit idineklarang dead on arrival si Alyas Rey ng umasikasong doctor.
Sa ngayon ay nakauwi na ang ilan sa kanilang tahanan at kasalukuyan ng nagpapagaling.
