TUGUEGARAO CITY-Kulong ang isang lalaki matapos makumpiskahan ng illegal na droga sa isinagawang anti-illegal drug buy-bust operation sa bayan ng Tuao, Cagayan.
Nahuli ang suspek na si Jayson Bosi, 31-anyos ng brgy Alabug sa nasabing bayan nang magpanggap na buyer ang isang miembro ng mga otoridad.
Nakumpiska mula sa suspek ang pinatuyong dahon ng marijuana na may fruiting tops na nakalagay sa isang folder spring ng notepaper.
Nabatid na una nang sumuko ang suspek sa mga otoridad kasabay ng oplan tokhang ng kapulisan ngunit muli itong bumalik sa masamang gawain.
Sa ngayon, nahaharap si Bosi ng kasong paglabag sa Republic Act 9165 o Comprehensive Dangerous Drugs act of 2002.
-- ADVERTISEMENT --
