Bangkay na ng matagpuan ang isang lalaki sa bayan ng Gattaran, Cagayan matapos ma-cardiac arrest dahil sa paglalasing nang malamang may ibang lalaki ang kanyang live in partner na nasa ibang bansa.
Kinilala ang biktima na si Frederick Sai, 38-anyos, magsasaka at residente ng Brgy Basao, Gattaran.
Ayon kay PMSGT Joey Cauilan, imbestigador ng PNP- Gattaran, umaga nitong January 6 nang matagpuan ang bangkay ng biktima sa sahig ng kanilang bahay.
Sinasabing madalas ang pag-inom ng alak ni Sai nang makita niya sa social media ang post ng kanyang live in partner na nasa ibang bansa na mayroon na itong iba.
At nitong Lunes, January ay muling uminom ng alak ang biktima kung saan kinausap pa niya ang kanyang ina na namamaalam at humingi ng kapatawaran hanggang sa makita na lamang ito kinabukasan na walang buhay.
Wala namang nakikitang foul play ang mga otoridad sa pagkamatay ng biktima.
