Lalaki, patay sa banggaan ng van at motosiklo sa Iguig, Cagayan

TUGUEGARAO CITY – Patay ang isang lalaki matapos na mabangga ng isang van ang kanyang motorsiklo sa Sta.Teresa, Iguig, Cagayan.

Kinilala ang biktima na si Zaldy Bariuan,42, ng Garab,Iguig.

Batay sa salaysay ng isang testigo na si Reyvin Canapi, sinusundan niya ang biktima habang sakay din siya ng motorsiklo at nang makarating sila sa Sta.Teresa ay pumasok sa kanilang linya ng kalsada ang van na minaneho ni Norberto Anacio, 47, residente ng Conception, Amulung.

Dito umano nabangga ng van ang motorsiklo.

Tumilapon ang biktima maging ang kanyang motorsiklo na dahilan ng pagtamo niya ng injury na dahilan ng kanyang pagkamatay.