Hindi nagpapaawat si Elton John kung ang issue ay tungkol sa legalized marijuana.
Sa panayam sa kanya ng Time magazine bilang bahagi ng kanilang Icon of the Year coverage, ibinahagi ng singer ang kanyang pananaw sa legalization ng cannabis sa ilang bahagi ng US at Canada.
Iginiit ni john na addictive ang marijuana at nagbubunsod ito ng paggamit ng ibang droga.
Tinawag niya “greatest mistakes of all time” na ang legalization ng marijuana sa America at Canada.
Ang mga pahayag ni John ay mula sa kanyang naging karanasan sa paggamit ng droga at ngayon ay matino siya sa loob ng maraming taon.
Kaugnay nito, sinabi ni Bernie Taupin, ang matagal ng writer ni John, na kapag naka-droga ang singer, natatakot siya.
Ayon sa kanya, hindi siya makalikha ng bagay na may kaugnayan sa singer hanggang sa matagpuan niya ang kanyang sarili at naging madali na lamang ang pagsusulat niya tungkol sa kanya.
