Menor de edad, patay matapos mahulog at malunod sa kanal

Nasawi ang isang 9-anyos na bata matapos mahulog at malunod sa kanal sa Taytay, Rizal.

Batay sa ulat, nahulog ang bata sa kanal at nakuhanan pa siya ng CCTV habang nagaganap ang insidente.

Dahil sa malakas na ulan, nahirapan ang mga awtoridad sa paghahanap sa bata, at nang matagpuan ay wala na itong buhay.

Ang bata ay positibong kinilala ng kanyang pamilya, at nakita ang mga sugat na tinamo mula sa pagkahulog.

Wala pang pahayag mula sa pamilya ng bata hinggil sa insidente.

Bilang paalala, nagbigay ng abiso ang mga awtoridad na iwasan ang lumusong sa baha maliban na lamang kung ito ay lubos na kinakailangan.