Ipinakita ni Senator Risa Hontiveros ang larawan ng self-confessed Chinese spy sa Al Jazeera documentary na si She Zhijiang kasama si Michael Yang, ang dating adviser ni dating Pangulong Rodrigo Duterte.
Sa pagpapatuloy ng imbestigasyon ng Senado sa illegal Philippine Offshore Gaming Operators (POGO)sa Bamban, Tarlac at iba pang hubs, sinabi ni Hontiveros na ibinigay ang larawan sa kanyang team ng isa sa kanilang informants.
Sinabi ni Hontiveros sa kanyang opening statement sa pagdinig, ito ay lalong nagpapatibay sa kanilang nalalaman, na si Michael Yang ay isang key actor sa Chinese intelligence operations sa bansa.
Ayon pa kay Hontiveros, na kung tama ang mga report, sangkot din si Yang sa drug operations sa bansa.
Una rito, iginiit ni Duterte sa Kamara na hindi sangkot sa illegal drug trade sa bansa si Yang.
