TUGUEGARAO CITY – Positibo nga nakilala na familya na tadday nga lalaki nga kinokkok da ta nangitanamman da niyya ta ili na Lal-lo, Cagayan.
Y baggi na lalaki nga si Nico Chester Del Rosario, 26-anyos, residente ta Brgy Nieves, San Leonardo, Nueva Ecija nga maturu nga tangaligwan nga nawawan yaw.
Y pakammu na ta familya na turi September 16 nga umay ta Tuguegarao tapenu makkasita ira ta Girlfriend na nga Non Uniformed Personnel na PNP nga igga atawa na nga pulis.
Ngamme ari ngana iyya nga nakatoli ta kinagi na nga aggaw.
Yaw laman aggaw na Lunes ay narekober y baggi na biktima ta bakante nga lote nga madunu ngana nga igga tama na ta baggi nga mapakurugan nga salvage victim anna netabbo ta ili na Lal-lo.
Nakilala na magana na nga nabiyahe paga ta Nueva Ecija base ta sinnun na yaw anna relo na turi kinokkok da uli yaw ta public cemetery ta Brgy Dagupan, Lal-lo.
