NPA,inamin da nga ira y nanallung ta PNP substation ta Cagayan

TUGUEGARAO CITY-Inamin na rebelde nga New People’s Army o NPA nga ira y nanallung ta PNP Substation ta Brgy. Annafatan, Amulung, Cagayan.

Ta nelawan ng report da ta ombo Radyo Tuguegarao, dinis-armahan na Henry Abraham Command na New Peoples Army y pulis ira anna ina da y M16 rifles anna dalawang 9mm pistols.

Neginddan da y pagatake da ta paggafu ta illegal nga pag-aresto na PNP kanni David Soriano nga kilala na otoridad nga mataas nga lider na NPA ta rehiyon.

Netanggi gapa na grupo nga si Soriano y regional number one cadre ta Cagayan Valley.

Iningwa da y pagatake tangaligwan y nabalin turi tinallung na Venerando Villacillo Command-NPA y Maddela Police station nu anni ay tadday nga pulis y natay.