Pumasok sa Finals ng UAAP Season 88 women’s volleyball ang National University (NU) Lady Bulldogs matapos talunin ang University of Santo Tomas (UST) sa Final Four, 20-25, 26-24, 26-24, 25-21, sa Smart Araneta Coliseum.
Ayon kay coach Regine Diego, hindi naging madali ang season para sa kanilang team pero naging mas matatag sila dahil sa mga pagsubok na pinagdaanan nila. Giit niya, malaki ang naging epekto ng kanilang experience sa kanilang panalo sa do-or-die match.
Nahihirapan ang NU sa unang set, pero nakabawi sila sa mga sumunod na frames bago tuluyang kontrolin ang laro sa fourth set kung saan nakapagtala sila ng 10-1 run para makuha ang kalamangan at tuluyang tapusin ang laban.
Nanguna para sa NU si Arah Panique na may 23 puntos, habang tumulong sina Vange Alinsug at Chamy Maaya. Si setter Lams Lamina naman ay nagrehistro ng 34 excellent sets at nagsabing mahalaga ang pagiging kalmado sa ganitong klaseng laban.
Sa panalo, aabante ang NU sa ikalimang sunod na Finals appearance at makakaharap nila ang walang talong De La Salle Lady Spikers sa best-of-three championship series.
Magsisimula ang Game 1 ng Finals sa Miyerkules sa Mall of Asia Arena.
