TUGUEGARAO CITY – Makasta y epekto y olu nga aggaw na tigil pasada ta rehiyon dos.
Kinagi ni Nasudin Talipasan, Regional Director na Land Transportation Franchising and Regulatory Board (LTFRB), kittu nga porsyento laman y transport group y nakisali ta transport strike.
Ta allevu da ta Tuguegarao adde ta Nueva Vizcaya,tadday nga terminal laman ta Santiago City, Isabela y napprotesta.
Ari gapa yaw natageno na pasahero megafu ta aru y drivers anna operators y nappasada ngamme y karwan ay dismayado ira megafu ta awan tu tallung.
Nappabalo gapa si Talipasan ta tanakwan nga grupo na transport sector nga nanagituluy ta serbisyo na transportasyon.
Fera taw kinagi na direktor nga nakavuka y LTFRB ta nu anni y daddaddamman da.
Olu gapa nga kinagi ni Aniceto Canapi,lider na Jeepney ta Cagayan nga ari nga makivulu y grupo ta nationwide transport strike .
