Operasyon ng mga airline, normal na matapos ang airbus glitch

Bumalik na sa normal ang operasyon ng lahat ng airline matapos ang teknikal na aberya sa Airbus A320 at A321 na nakaapekto sa ilang flight nitong Sabado, ayon sa Civil Aviation Authority of the Philippines (Caap).

Ang aberya ay nakaapekto sa 93 domestic flights, kung saan 82 ang kinansela at 11 ang naantala.

Tinatayang aabot sa 14,000 pasahero ang naapektuhan dahil sa mga pagkansela at pagkaantala ng flight.

Agad namang inabisuhan ng mga airline ang mga pasahero at nagbigay ng libreng rebooking, full refund, at flight e-voucher.

Naglaan din ng pagkain sa mga pasahero habang naghihintay sa airport.