Overloading y gafu na banggaan na duwa nga van nga lima y natay trenta y nabigaran

Tuguegarao City-Overloading y gafu na banggaan na duwa nga pampasahero nga van ta ili na Amulung, Cagayan.

Kinagi ni PCI Manuel Viloria, hepe na Amulung PNP,25 y takay na isuzu van nga dapat nakwan ya kinse laman.

Manguruk y si Viloria nga nadammo y takay na van nga gafu na apputuk na tadday nga pilik ta likuk na van yatun ta nawawanan ta kontrol y driver.

Megafu taw ay nattallung y nakagi nga ta linya na tadday nga van yatun ta nabanggaan ira.

Lima y natay tallu ta isuzu van habang 2 ta high ace van habang 30 y nabigaran ta aksidente.

Namwan nga y Izuzu van ay manehuwan ni Rustom Bartolome ay mapangge ta Baggao habang y Hi Ace van nga manehuwan ni Mario Danao ay mapange ta Tuguegarao.