TUGUEGARAO CITY- Nafuku y tallu nga lalaki megafu ta angilaku da ta peke nga sigarilyo ta ili na Claveria,Cagayan.
Base ta PNP Claveria,nakkul nira y Philippine Coast Guard anna kinagi nga igga barangay nga naggafu ta isla na Calayan nga nattakayan na suspek ira nga igga dala da nga peke nga sigarilyo.
Insigida nga nagafu y suspek ta terminal na Claveria.
Nala ta suspek ira y lima nga boxes na naduma duma nga brand na sigarilyo nga mabbalor ta P50,000.
Base ta interogasyon ta suspek ira,nallaku ira ta sigarilyo ta Calayan anna mallaku da gapa ta naduma duma nga lugar ta Luzon.
Ngamme kinagi da nga ari da kilala y magangwa ta peke nga sigarilyo.
Kinagi da nga ibagsak da nira y sigarilyo anna pagan da nu malaku ngana ira yaw.
Masita nga peke y nakagi ira nga sigarilyo megafu ta fera ta nappo ay tanakwan y kulay anna y gukuk na nakaimprenta ta pakete na nakagi nga produkto.
