TUGUEGARAO CITY-Kulong ang isang lalaki dahil sa pananaksak sa isang nagtitinda ng pandesal sa Rizal,Cagayan.
Kinilala ni Police Captain Ponciano Taliping, hepe ng PNP Rizal ang biktima na si Jerwin Villaflor,31, ng centro Lasam habang ang suspek ay si July Umali ng Brngy.Bural,Rizal.
Sinabi ni Taliping, sa kanilang imbestigasyon, maaaring napagtripan umano ng suspek ang biktima habang siya ay nagtitinda ng pandesal sa Brngy. Bural na boundary ng Rizal at Lasam.
Ayon sa kanya,nagtamo ng saksak sa likod ang biktima na agad naman na dinala sa ospital sa Lasam subalit naubusan umano siya ng dugo na dahilan ng kanyang pagkamatay.
Samantala,sinabi ng Taliping na inaalam na nila kung may kaso ang suspek sa Gattaran dahil galing umano siya sa nasabing bayan at maaaring nagtatago lamang sa Brngy.Bural.
