Patrol base na PNP ta Cagayan,pinaputukan

TUGUEGARAO CITY-Bantayan ngana na Regional Public Safety Battalion (RPSB) na Philippine National Police (PNP) Region 2 y pabbantay da ta kabalin nga paputukan da ta mamissa y patrol base ta Brgy. Mauanan, Rizal, Cagayan.

Kinagi ni Police Insp. Charles Pannogan, head na RPSB Patrol base ta nakagi nga lugar nga narekober da y tadday nga slug na calibre .45 nga palattuk nga nekanna ta utun na detachment.

Ekspektan ni Pannogan nga nangusa ta silencer nga palattuk ta detachment da megafu ta awan tu nagina da nga putuk na palattuk.

Ngamme ta pangivu da ta residente ta pallevu na kampo, igga kanu naginna da nga tallu nga putuk na palattuk , 500 metro y karayyu na ta patrol base.

Sangaw ay imbestigan na otoridad y nakagi nga insidente.