Sinabi ng Philippine Chamber of Commerce and Industry (PCCI) na bagama’t sinusuportahan nila ang panukala ng gobyerno na magpatupad ng four-day workweek upang makatipid sa enerhiya, maaari lamang itong ipatupad sa piling sektor ng industriya.
Ayon sa PCCI, ang ilang industriya, lalo na ang manufacturing at iba pang may tuloy-tuloy na operasyon, ay may tiyak na pangangailangan sa produksyon na maaaring hindi akma sa mas maikling linggo ng trabaho.
Ani PCCI, may benepisyo ang panukala para sa mga sektor na flexible ang operasyon, ngunit kailangan munang suriin ang kakayahan ng bawat industriya bago ipatupad ito sa buong pribadong sektor.
Idinagdag ng chamber na ang maingat na implementasyon ng four-day workweek ay mahalaga upang hindi maapektuhan ang produksyon at operasyon ng mga negosyo sa bansa.
