Pinatibay ng mga Police Station ang kanilang seguridad bilang pag-iingat sa mga posibleng pag-atake ng mga rebelde mula sa New People’s Army (NPA) habang ipinagdiriwang ng Communist Party of the Philippines (CPP) ang kanilang anibersaryo ngayong araw.
Ayon kay Brig. Gen. Jean Fajardo, tagapagsalita ng Philippine National Police (PNP), iniutos sa mga komandante ng mga Police Station sa mga liblib at malalayong lugar na magpatibay ng kanilang depensa.
Dahil sa pagkakahuli ng ilang mga lider ng NPA, sinabi ni Fajardo na hindi nila isinasantabi ang posibilidad na maglunsad ng mga pag-atake ang mga rebelde bilang paghihiganti sa anibersaryo ng CPP.
Idinagdag pa ng PNP na hindi nila ipapalabas ang suspensyon ng mga operasyon laban sa NPA dahil ginagamit ng mga rebelde ang mga SOPO (Suspension of Military Operations) bilang pagkakataon upang magsagawa ng mga pag-atake.
