Philippine Red Cross
TUGUEGARAO CITY-Magsasagawa ng blood donation ang Philippine Red Cross (PRC)-Kalinga kasabay ng kanilang 72nd Anniversary at World Red Cross Day sa Mayo 8.
Sinabi ni Reymund Chan ng Red Cross Kalinga, sa pagkakataong ito ay mga local media organization umano ang kanilang inimbitahan para magdonate ng dugo.
Aniya, layon nitong maranasaan rin ng mga media practitioners ang mga nararanasan ng mga nakukunan ng pahayag na mga blood donors.
Ngunit, paglilinaw ni Chan na kung may sakit o anumang karamdaman ang isang media practitioner na ikakadiskwalipika sa pagdodonate ay maari itong magdala ng kaibigan na siyang magdodonate.
Kaugnay nito, inanyayahan ni Chan ang lahat ng mga media practitioners maging sa labas ng kalinga na makiisa sa kanilang blood letting activity.
