PSA, pansamantalang sarado hanggang bukas matapos magpositibo sa covid-19 ang ilang kawani

TUGUEGARAO CITY- Pansamantalang sarado ang Philippine Statistics Authority o PSA Region 2 na matatagpuan sa Barangay Carig Sur, Tuguegarao City hanggang bukas.

Sinabi ni Marilyn Estrada, director ng PSA Region 2 na walo sa siyam na nagpositibo sa antigen test ang nagpositibo sa RT-PCR test sa kanilag mga kawani.

Dahil dito, sinabi niya na muling magbubukas ang kanilang tanggapan sa araw ng Lunes upang bigyan daan ang dis-infection sa kanilang gusali.

Samantala, sinabi ni Estrada na binuksan na nila ang kanilang task force training para sa registration para sa national ID ngayong 2022.

Ang PSA ay lumipat na sa kanilang bagong tanggapan mula sa kanilang dating opisina sa loob ng city hall ng Tugguegarao.