TUGUEGARAO CITY-Mazzintalaw pagalaman y totolay megafu ta engkwentro na suddalu anna rebelde nga New People’s Army (NPA) ta Brgy. San Ramos, Nagtipunan, Quirino.
Kinagi ni Brgy. Chairman Oscar Ballesteros nga ari da nekaya nga makivulu ta grupo na Karapatan Cagayan Valley nga vukallan na 50 adde 70 nga tolay nga mattallung nakwan ta encounter site para tapenu magangwa ta fact finding mission.
Nakikergo y barangay officials ta grupo nga ta evacuation center da laman ngana nga kergowan ira nu manga da tu datus asunto ta sitwasyon na residente ta kabalin na nakagi nga laban.
Kinagi ni Ballesteros nga ,aski arayyu y nakakwan na laban nga nepatay na tadday nga NPA,makaddaddam da paga ta trauma nu igga maginna da nga putuk na palattuk.
Kinagi na yaw nga boluntary da nga ninay ta municipal gymnasium na Nagtipunan habang freska paga y nakagi nga engkwentro.
Namwan nga ninay y Karapatan Cagayan Valley ta lugar para idokumento y nakwa nga engkwentro tari anna pagabuso ta residente ira.
