Iginiit ng House prosecution panel na hindi maaaring iapela sa Supreme Court ang desisyon ng Senate impeachment court na baguhin ang threshold ng boto para mahatulan si Vice President Sara Duterte.
Ayon kina private prosecutor Benjamin Tolosa Jr. at House prosecutor Joel Chua, saklaw ng constitutional authority ng Senado ang naturang desisyon at wala umanong grave abuse of discretion.
Sinabi ni Tolosa na ang impeachment ay kapangyarihan ng Senado na nakasaad sa Konstitusyon, kaya ang usapin sa vote threshold ay political question na dapat resolbahin ng impeachment court.
Samantala, nakabinbin sa Supreme Court ang dalawang petisyong kumukuwestiyon sa bagong threshold.
