TUGUEGARAO CITY- Target kanu na Saudia Arabia nga papanawan y ngamin nga overseas filipino workers ta ragun 2030.
Ta interview na Bombo Radyo kanni Laureano Manuel,engineer ta Riyadh nga 13 years nga sesenupan nga ipay y mission and vision da nga papanawan y expats ta 2020.
Yaw ay tapenu meusa da y resources da ta mangoffun ta mazziriga nga kababayan da anna megafu gapa ngana ta naggukak y ekonomiya da ta karu na produksion na krudo.
Y fermi na yaw ay barya laman y paga na krudo tari nu anni ay mas nangina paga y danum ta Saudi.
Kinagi paga ni Manuel nga siguradu nga aru nga ofws y malabbe ta Pilipinas oras nga ipay na Saudi y pattuki da ta tax ta remittance sangaw nga ragun nga 18 percent megafu ta bessang laman y sweldo da.
Fera taw ay kinagi na nga sussu y asselebra na kristiyano tari ta Semana Santa.
Kinagi paga ni Manuel nga mappaga y muslim ira ta adde ta 5,000 Riyal tapenu maaru da y kristiyano nga mac-convert ta islam.
Maski iyya ay na pressure kanu tapenu mabbalin laman nga muslim ngame ari iyya nga napilit megafu ta annguruk na.
Kinagi na nga aru nga ofws y napilitan nga mappa-convert ta Islam para ta work security anna awuya da nga maka atawa ta aru.
Nangiddan gapa ta tips si Manuel ta maya nga matrabahu ta Saudi.
