Nagdagdag ang Manila Electric Company (Meralco) ng P0.3428 kada kilowatt-hour (kWh) sa singil sa kuryente para sa mga residential customer ngayong Hulyo. Dahil dito, umakyat sa P14.8261 kada kWh ang kabuuang singil mula sa P14.4833 kada kWh noong Hunyo.
Katumbas ito ng humigit-kumulang P69 na dagdag sa buwanang bayarin ng isang karaniwang kabahayan na kumokonsumo ng 200 kWh. Ayon sa Meralco, pangunahing dahilan ng pagtaas ang mas mataas na generation charge dahil sa pagmahal ng presyo ng fuel at epekto ng sigalot sa Gitnang Silangan sa pandaigdigang merkado ng enerhiya.
Tumaas din ang presyo sa Wholesale Electricity Spot Market (WESM) kasunod ng mataas na demand sa Luzon. Samantala, nananatiling suspendido hanggang Agosto 2026 ang paniningil ng Green Energy Auction Allowance (GEA-All), habang hindi pa rin nagbabago ang distribution charge ng Meralco mula noong Agosto 2022.
