TUGUEGARAO CITY-Tadda ngana y kumfirmado nga natay megafu ta Japanese Encephalitis ta Region 2.
Ngamme kinagi ni Floro Orata,Health Education and promotion officer na Department of Health Reg. 2, igga paga tanakwan nga taki y pasyente nga taga Camalaniugan, Cagayan nga posible nga gafu na pappatay na.
Ta datos na ahensiya , nakarekord ta pinakakaru nga kaso na Japanese Encephalitis y Cagayan nu anni ay 10 munisipalidad y apektado , lima ta Nueva Vizcaya habang tallu ta Isabela.
Kinagi ni Orata,y Japanese Encephalitis ay tadday nga virus nga mala ta kassik na ilak nga kapamilya kanu na dengue.
Y alistu nga mafunan ta Japanese Encephalitis y abbing ira.
Kinagi na nga y sintomas anna senyales na Japanese encephalitis ay kulikuk anna taki ta ulu.
Awuya na nga makatageno ta atannang nga kulikuk,taki ta ulu,stiff neck, coma, kombulsyon, awan tu matageno na baggi anna awuya na nga matay paga.
