TUGUEGARAO CITY – Nassurender ta tropa na gubyerno y tadday nga babay nga miyembro na New People’s Army (NPA) taw ta Probinsya na Cagayan.
Ta uffun na tadday nga pastor, nanoli ta lima na gobyerno si alyas “Pinky”, 29-anyos na Sta. Ana, Cagayan.
Kinagi ni Pinky nga napanono na nga manoli ta gobierno megafu ta mazziriga iyya ta kabalukurwan anna tapenu masita na anna maalagaan na y ana na ira.
Namwan nga turi 2013 nga nanaw yaw ta grupo ngamme aktibo iyya ta kilos protesta kavulu da y dadduma paga nga progresibo nga grupo.
Napilitan yaw nga mevulu ta grupo turi 2011 tapenu maghiganti ta angiloko da ta olu nga atawa na nga nakiparelasyon ta tadday nga babay.
Amung na yaw makalawa ta uffun anna pattolayan y rebel returnee base ta Comprehensive Local Integration Program (CLIP).
