TUGUEGARAO CITY- Makikoffun ta gobyerno y mister na tadday nga overseas filipino worker (OFW) nga nakafuku ta Kuwait ta kabalin nga suspetsan na y amo na nga nakkoko yaw.
Nakilala y ofw nga si Gemma Bartolome nga residente na barangay Lannig ta ili na Solana, Cagayan.
Ninay taw ta bombo radyo y atawa na ofw nga si Rodelio Bartolome para makkiddaw ta uffun ta gobyerno tapenu mallabbe y misis na.
Base kanni Rodelio, nattext kanu y atawa na nga iyya kanu nga suspetsan na amo na nga nakoko kanu kavulu na y tadday nga katulung paga.
Tinakitan paga kanu na amo da liye da nga neppagafu ta pulis.
Amung na yaw ay napromero y Overseas Workers Welfare Administration( owwa) region II anna ina na welfare desk region II y detalye na ofw para ta uffun nga iddan da ta biktima.
Base kanni Butch Gumabay na Owwa, ipasa da ta embahada na pilipinas ta kuwait y impormasyon tapenu mavalidate anna meddanan ta egal assistant.
Uffunan da gapa nga makalabbe y biktima ta kabalin y kaso na.
