Tadday ta survivor ta natannak nga bus ta Nueva Ecija,nakapattu

TUGUEGARAO CITY- Neistorya na tadday nga survivor na natannak nga Leo Maric minibus nga iyya ay nakapattu liye nga matannak y bus ta 100 feet nga kadalam na puwente ta Caranglan, Nueva Ecija.

Base kanni Ian Boy Fernandez,36 anyos na Sto. Domingo,Bambang , Nueva Vizcaya, overloaded y bus anna nagovertake y driver adde ta mawawanan ta kontrol ta manebela nga gafu na aksidente.

Kavulu ni Fernandez nga nattakay y atawa na anna y ana na nga walu ragun nga igga ta ospital.

Kinagi na paga nga insigida iyya nga ninay ta lugar nu sitaw natannak y bus tapenu kuragan y mag-ina na.

Ngamme nadismaya iyya ta imbes nga kuragan da iyya na bystanders nga igga tari ay mas nepolu da y manga ta litrato ta natannak nga bus.