TUGUEGARAO CITY – Natuggi y tallu nga balay nga akkaseran taw ta syudad na Tuguegarao pasado alas 4:00 sangaw nga fugak laman.
Namwan nga y natuggi nga akkaseran ay balay da Ramil Catral, Antonio Catral anna si Teddy Lasam.
Base kanni Ramil Catral, tadday kanu ta boarders na y na-welding ta second story turi igga gavva napputuk nga naggafanan kanu na afi.
Alistu kanu nga duminakal y afi megafu ta puru light materials y balay anna sinabayan paga na nasikan nga paddak.
Namwan nga y natuggi nga balay ay akkaseran na 30 nga tolay.
Awan gapa nabigaran ta nakagi nga insidente.
Amung na yaw ay napromeso si Tuguegarao City Mayor Bienvenido de Guzman nga uffunan na y biktima ira.
Sangaw ay imbestigan na Bureau of fire Protection (BFP) tapenu mamwan da nu anni fermi gafu na insidente anna balor na natuggi nga balay.
