Sinabi ni US President Donald Trump na posibleng malapit nang matapos ang digmaan sa pagitan ng United States at Iran habang nagpapatuloy ang blockade ng US sa mga pantalan ng Iran.
Nagpatupad ang US ng naval blockade na humarang sa mga barkong papasok at palabas ng Iran, kung saan ilang oil tanker na ang napigil, kabilang ang mga sasakyang-dagat na dumaraan sa Strait of Hormuz.
Ayon kay US Vice President JD Vance, positibo ang takbo ng negosasyon kahit nabigo ang nakaraang pag-uusap. May posibilidad ding ipagpatuloy ang usapan sa Pakistan sa tulong ng mga international mediator.
Patuloy namang nagbabala ang Iran na maaari nitong gambalain ang daloy ng kalakalan sa Gulf, Sea of Oman, at Red Sea kung magpapatuloy ang blockade.
Umabot na sa tinatayang 5,000 katao ang nasawi sa labanan, kabilang ang libo-libong sibilyan sa Iran at Lebanon, habang patuloy ang tensyon sa rehiyon at ang epekto nito sa suplay ng langis sa buong mundo.
