Inihayag ni US President Donald Trump na pumayag siya sa isang dalawang linggong tigil-putukan sa Iran, halos dalawang oras bago ang kanyang itinakdang deadline para muling buksan ng Tehran ang Strait of Hormuz o humarap sa malawakang pag-atake sa kanilang civilian infrastructures.
Ang anunsyo sa social media ay isa na namang halimbawa ng pag-atras ni Trump mula sa matitinding banta, matapos niyang balaan ang Iran na mawawasak ang buong Iran kagabi kung hindi susundin ang kanyang mga hinihingi.
Sinabi ni Trump na ang kasunduan ay nakadepende sa pagsang-ayon ng Iran na itigil ang kanilang blockade sa suplay ng langis at gas sa strait, na karaniwang dinadaanan ng halos ikalimang bahagi ng pandaigdigang suplay ng langis.
Sinabi rin ni Trump na naglatag ang Iran ng isang 10-puntong panukala na isang praktikal na batayan para sa negosasyon at inaasahan niyang ang kasunduan ay matatapos at maisasakatuparan sa loob ng dalawang linggong tigil-putukan.
