TUGUEGARAO CITY – Mangiddan ta uffun y gobyerno na Nueva Vizcaya ta biktima ira na natannak ta puwente nga Leomarick bus ta Carranglan, Nueva Ecija.
Yaw ay siniguru ni Gov. Carlos Padilla na Nueva Vizcaya ta interview Bombo Radyo.
Kunnatunman kinagi ni Padilla nga awan tu mepromeso da nga uffun ta biktima nga y karwan ay y residente na nueva vizcaya.
Nenawak na gobernador nga y gobyerno na Nueva Vizcaya y mangiddan ta mawak na pasyente nga ari masakup na national government.
Yaw ay tapenu maiwasan y duplicating ta kabalin nga mapromeso da ta financial assistance ta malakanyang ta pasahero na bus nga natannak ta puwente.
Y gobyerno na nueva vizcaya y bahala ta punerarya nu sitaw da nga neangay y baggi na natay nga pasahero tapenu maumpik anna masikasu yaw.
Base kanni Padilla igga ta naduma duma nga ospital ta Nueva Vizcaya y biktima megafu ta y rescuers na PDRRMC kavulu da y Red cross anna BFP nga naggafu ta probinsya y narresponde ta crash site.
