TUGUEGARAO CITY- Nangilawan ta taki na kanonaggan na survivor na banggaan na duwa nga pampasahero nga van ta Amulung,Cagayan megafu ta mas pinolu na standers ira y nanga tu litratu imbes na uffunan y biktima ira.
Kinagi ni Mary Ann De Leon na Alcala,naming aru iyya nga nakkukkulle nga makiddaw ta uffun megafu ta naipi y takki na ta unak na van ngamme awan tu nanguffun nissa.
Megafu taw ay inakkulan na y paryentes na ira ta Alcala anna ira y nangilawan sa ta unak na van.
Kinagi na nga igga paga nakwan pag asa na duwa nga naipi nga babako nga matolay megafu ta igga paga inango da.
Makasta ta igga duktor nga nanalan tari ta lugar yatun ta neddanan ta first aid y pasahero ira liye nga nakakadde y rescuer ira.
Igga ngana tu annam y natay ta aksidente ta kabalin nga matay y driver na tadday nga van.
