Yena natay ta kabalin nga pala palattugan na ari paga namwan nga suspek ta Cagayan

TUGUEGARAO CITY-Taftafulan na otoridad y duwa nga lallaki nga namalattuk ta tadday nga yena ta ili na Gonzaga, Cagayan.

Base ta imbestigasyon na pulisya, nanuttuk y ana na biktima nga si Pelagia Galamgam ,64, residente na Magrafil ta nakagi nga ili ta arubang na balay da turi gavva nga nalabbe y suspek nga nakatakay ta tadday nga motorskilo.

Nakadda kanu y tadday ta suspek anna tinutukan na y ana na biktima ta palattuk anna tinaful na yena na yaw.

Megafu ta nattalaw ay netuldu na y jan na yena na ta likuk na balay da nu anni inangyanan yaw na lalaki anna pinalapalattugan na yaw.

Nakanna y san na anna y lima na nga insigida da gapa nga neangay ta ospital ngamme natay ganuri habang maddaggun nga urwan na doktor.