TUGUEGARAO CITY-Sugatan ang dalawang katao nang masangkot sa vehicular accident sa bayan ng Tuao, Cagayan.
Batay sa imbestigasyon ng pulisya, magkasalubong na binabaybay nina Jonathan Manuel, 25-anyos at Randy Pascua,37-anyos ang kahabaan ng Barangay Bulagao nang bigla silang mapunta sa gitna ng kalsada na sanhi ng salpukan.
Kapwa nagtamo ng sugat ang dalawa kung saan agad ding nakalabas sa pagamutan si Pascua habang dinala naman sa Cagayan valley Medical Center (CVMC) si Manuel.
Nabatid na kapwa nasa impluwensya ng nakalalasing na inumin ang dalawa nang mangyari ang aksidente.
