Target muling buksan sa unang bahagi ng Marso ang Cabagan–Santa Maria Bridge sa Isabela para sa mga light vehicle, ayon kay DPWH Secretary Vince Dizon.
Bagamat pansamantala pa ring ipagbabawal ang mga truck dahil sa bitak sa isang bahagi ng tulay, tiniyak ni Dizon na isasailalim ito sa masusing pagsusuri bago payagang dumaan ang mabibigat na sasakyan.
Inimbitahan din si Pangulong Ferdinand Marcos Jr. upang pangunahan ang pagbubukas ng pansamantalang bridge connector, na magsisilbing solusyon matapos bumagsak ang isang bahagi ng tulay noong Pebrero 2025.
Ang muling pagbubukas ng tulay ay magbibigay-lunas sa matagal nang problema sa transportasyon sa rehiyon, na magpapasigla sa ekonomiya at magpapadali sa pagbiyahe ng mga motorista at residente.
Katulad ng Piggatan temporary detour bridge na natapos sa loob ng dalawang buwan, kumpiyansa si Dizon na matatapos ang bridge connector bago ang buwan ng Marso upang agad itong mabuksan sa mga motorista.
